ALAHADIN'NY BAIBOLY 2010

Ry havana

Amin’ny maha « interface-n’ny FPMA » amin’ny FMBM anay dia fifaliana ho anay ny manoratra ho anareo an’ity taratasy ity.

Anankiray amin’ny fandaharana lehibe iarahan’ny FMBM amin’ny Fiangonana mpikambana, ao aminy toy ny FPMA, dia ny ALAHADIN’NY BAIBOLY. Any Madagasikara dia ny Alahady faharoa amin’ny volana Febroary no fanaovana azy. Raha sendra tsy vita tamin’izay kosa dia mahazo mifidy Alahady hafa araka izay mahamety azy ny Tafo tsirairay. Zavatra telo no atao isaky ny Alahadin’ny Baiboly:

1-Mampahafantatra ny toe-draharahan’ny asan’ny FMBM. (Misy ny rapaoro 2009 ho alefa amintsika raha vao voaray eto am-pelatanana)

2-Manao rakitry ny Baiboly ary mitaona ny kristianina hirotsaka ho Sakaizan’ny Baiboly

3-Mivavaka ho an’ny Asan’ny Baiboly any Madagasikara. Koa noho izany dia indro alefa aminareo ny Valopy sy Affiche ho fananentanana ny olona ho amin’izany Alahadin’ny Baiboly izany.

Dia manao veloma finaritra aminareo amin’ny anaran’ny Tompo ary maniry indrindra ny fahasoavany feno ho anareo tsirairay avy.

Rev. Seth RASOLONDRAIBE,

Birao Foibe FPMA

Mpiandraikitra ny fifandraisana FMBM

Marihina fa Mpiakambana feno ao amin'ny Fikambanana Mampiely Baiboly any Madagasikara ny FPMA