Vao avy nankalaza ny noely isika. Noely, raha adika tsotra, dia fahaterahana. Tsy hiverina amin’ny tantaran’ny noely akory no anton’izao lahatsoratra izao fa kosa mijery zavatelo sososna dia anaran’ilay teraka, ireo izay nilazana izany ary farany ny vokatrin’ny famangiana mpifana araky ny fitantaran’I Lioka azy.

Iza ary no teraka ?

Raha ny filazantsara arak’izay nanoratan’I Lioka azy dia natao ho an’ireo jiosy izy ity. Mazava ho azy fa ivon-toerana jiosy no ijerena azy. Manomboka izany amin’ny resam-pianakaviana. Dia ny fifandraisan’i Elizabeta (izay nipetraka tany Jodia, faritra atsimon’ny Palestina) sy Maria (izay mipetraka tany Nazareta, faritra Avaratra) izay lazaina fa mpihavana na mpiray fihaviana (Lk.1.36).

Tany amin’ny ilany dia Elizabeta izany. I Elizabeta dia tsy nahafantatra fa hieraka izy satria momba. Fa I Zakaria vadiny kosa no nilazan’ity iraka, atao hoe Gabriela, avy an-danitra taminy fa hiteraka zazalahy ny vadiny izay lazaina fa momba ka i Jaona no atao anarany. Teo am-panatanterahana ny asany, dia ny maha mpitandrina/pretra azy, mantsy I Zakaria no tonga ity iraka. Anjarany tamin’izay ny fandoroana ditin-kazo manitra tao amin’ny tempoly tany Jerosalema tamin’izay fotoana izay. Nangataka famantarana tamin’ity anjely ity i Zakaria ary dia novaliany fa ho moana izy. Ary dia tanteraka izany. Lazain’I Lioka fa ity Jaona ity no hampody ny maro amin’Israely amin’I Jehovah Andriamaniny, hamboatra firenena voaomana ho an’ny Tompo. Jaona, mpanomana ny firenena alohan’ny ahatongavan’ny Tompo.

Fa Lioka kosa dia tsy mba mitantara an’I Josefa tahaka an’I Matio . Mbola ny iraka Gabriela ihany no nihaona sy nilaza tamin’i Maria, izay lazainy fa virijiny sady tsy manambady fa voafofo tamin’I Josefa, I Maria dia hiteraka zazalahy ary ny anarany dia atao ny hoe Jesosy : Zanaky ny Avo indrindra, Mpanjaka amin’ny taranak’I Jakoba mandrakizay ary ny fanjakany tsy hanana fahatamperany.

Samy nahazo teny mazava na I Zakaria izay nilaza fa efaz antitra ka tsy hanan-janaka intsony kanjo nahazo zazalahy dia Jaona izany. Na I Maria, izay ilaza fa virjina ary tsy mahalala lahy kanefa voafofo amin’I Josefa, dia niteraka an’I Jesosy.

Jaona, mpialoha lalana an’I Jesosy no voalaza eto. Resam-pianakaviana satria mpihavana ihany izy roalahy ireo. Eny manomboka eo amin’ny fianakaviana ny asan’andrilanitra vao mivelatra tsikelikely amin’ny manodidina. Lazaina eto fa ny fanjakan’I Jesosy dia tsy hanampahataperana. Iza ary no teraka : Mpanjaka no ho teraka.

Ireo izay nilazana izany fahaterahana izany

Rehefa avy nilazana izany fahaterahan’I Jesosy izany Maria dia tong any didin’I Aogosto Kaisara, niantso azy sy Josefa, fofombadiny , mba ho any Betlehema hampanoratra ny vahoaka rehetra. Tsy maintsy miverina amin’ny taniny ny jiosy ary dia iny tokoa izy roa lasa nankany amin’ny tanana’I Davida izay atao hoe Betlehema. Ary dia teo amin’izany ivom-pianakaviana izany no nahaterahan’I Jesosy. Fianakaviana somary hafa kely satria tsy nisy mpampiatrano fat any amin’ny fihinanam-bilona no nandray azy. Ireo biby toy ny ondry izany. Manamafy izany rahateo koa ny amin’ny andian’olona izay nilazana an’izao fahaterahana izao dia ny fianakaviana akaiky izay tsy hafa fa ny mpiandry ondry. Teo ampiandrasana ny ondriny, izany hoe teo ampiasana toa an’I Zakaria koa, no nisehoan’ity anjely na iraka tamin’ireto mpiandry ondry ireto tany antsaha. Nolazai’ity anjely ity tamin’izy ireto fa Mpamonjy no teraka ho anareo anio ao an-tananan’I Davida dia Kristy Tompo. Io Kristy Tompo io no anarana nahafantaran’ireto mpiandry ondry ireto an’I Jesosy. Fanampin’izany dia nomena famantarana izy ireto ho famenon’ny filazana. Velona ny fiderana nataon’ireto anjely ireto. Raha vao naheno ny filazana ireto mpiandry ondry ireto dia niresaka ny amin’izay tokony hatao dia ny handeha ho any Betlehema hizaha izany zavatra vao tonga izany. Dia nolazaina fa nandeha faingana izy ka nahita an’I Maria sy Josefa ary ny zazakaly nandry teo ampihinanam-bilona.

Manoloana ny antso miendrika filazana dia tsy nandry ny sain’ireto mpiandry ondry ireto ka lasa nijery an’ity Mpamonjy izay teraka anio. Tsy nioandriandry izy ireto fa tonga dia nanolotena handeha hijery an’ity zavatra vao tonga ity.

Fianakavian’ny mpiandry ondry izany no resahina eto. Efa milaza izany fa ho mpiandry ondry koa ity vao teraka . Tsy dia fianakaviana aram-pirazanana va fianakaviana arak’izay asa iombonana. Ary rehefa nahita ireto mpiandry ondry dia inona no niseho ?

Vokatry ny famangiana mpifana

Marihina fa eto isika dia mahita fisehoan-javatra vaovao. Misy an’ireto olona nantsoina mba hosoratana anarana dia Josefa sy Maria izany, etsy ankilany, mahita koa an’ireto mpiandry ondray izay nantsoina fa misy mpamonjy koa izay teraka ao ampihinanam-bilona. Tafahaona teto izy roa took ireto. Mivory, miangona ary midera manodidina an’ity Zaza vao Teraka dia Jesosy, Kristy Tompo. Moa tsy milaza amintsika vez izany ny fahaterahan’ny fiangonana kristiana ? Tena eio afovoany, na amin’ny fomba ara-maso na aram-panahy Jesosy Kristy. Tsy azo lazaina ve fa ity no fiangonana kristiana voalohany na dia tany ampihinanam-biolona aza ? Fan a aiza na aiza no iangonan’ny roa na telo mivory amin’ny Anarako dia ao afovoany Aho (Mt 18.20). Teraka koa ny fiangonana eto. Manomboka amin’ny tenanao ,ny fianakavianao izany fiangonana izany fa tsy hoe rehefa miaraka amin’ny hafa akory. Ny tokantrano,ny fianakaviana no Fiangoanana voalohany. Eto isika dia mahita fa nytokantranon’I Josefa sy Maria no isehoan’izany. Tonga manampy azy ireo ireto Mpianbdry ondry tany an-tsaha. Velona ny hira fiderana : Voninahitra any amin’ny avo indrindra ho an’Andriamanitra ! Ary fiadanana ho ety ambonin’ny tany amin’ny olona ankasitrahany (Lk 2.17). Inona ary no vokatry ny fiangonan’izy ireo ? Ny teny dia milaza amintsika fa nony nahita ireto Mpiandry ondry ireto dia nijoro vavolombelona tamin’ny alalan’ny teny nolazaina taminy. Ary izay rehetra nandre dia gaga tamin’izay ravatra rehetra nolazain’izy ireo. Mila mijoro vavolombelona, manaparitaka izay henony ny oona nihaona tamin’I Kristy tahak’ireto Mpiandry ondry ireto. Manankarena tokoa mantsy ny kristiana fa tsy mizara izany fa mihazoana izany ho azy irery. Ny fizarana an’izany vaovao mahafaly dia ny fhatongavan’ny Mpamonjy izany no mahatonga ny fanjakan’I Kristy ho tsy manampahatamperana. Raha tany Palestina no niseho ny tantara, isika Malagasy koa dia nahazo anjara avy amin ‘izany. Tsy mitovy anefa ny andraikitra sy ny anjara raisin’ny tsirairay amin’ny fiangonana ka ao ny toa an’I Maria izay mitadidy izany teny izany ka mieritreritra azy tao am-pony.

Tsy mamela antsika hipetrapetrapoana ny teny. Aon y mapiely izany ao ny mitadidy sady mieritreritra azy ao am-po. Izany no asa miandry ny Kristiana tsirairay avy . Ny fizarana ny vaovao mahafaly.

Koa hitantsika eto ny fahaterahan’ny fiangonana kristiana voalohany niaraka tamin’ny fahaterahan’I Kristy Tompo. Antsoina ny fiangonana kristiana rehetra mba hampiely ny Teny izay mitondra vaovao mahafaly ho an’ny rehetra. Amena


FPMA Dijon
Desambra 2009