|
Alahadin'ny Asa
Misiona
Ry
Havana,
Ampitomboina amintsika hatrany anie ny Fahasoavana sy ny Fiadanana
avy amin'’i Jesoa Kristy Lohan’ny
Fiangonana.
Manana
Mpitandrina
voahosotra miisa 20 ny Fpma ary 5
amin’izy ireo ihany no matihanina . Na eo aza ny
finiavan’ny Mpitandrina hafa hanokana ny fotoana
amin’izany asa fitandremana ny fiangonana izany,
dia eo koa ny fandaminana sy ny fitadiavana amin’ny
fiainana andavanandro ka nahatonga ny ankamaroan’izy
ireo tsy maintsy mitady asa mba ahazoana ny enti-manana eo
amin’ny andavanandro sy ny
fianakaviana.
Tsy afaka hanatanteraka ny asany amin’ny tokony
ho izy ny fiangonana raha tsy misy
Mpitandrina manokana ny fotoanany rehetra
amin’ny asa fitandremana, satria tsy afaka hivelatra sy
hitory ny filazantsara ny fiangonana raha tsy voakolokolo sy
mitombo ny finoan’ ny Mpiangona ao aminy, amin’ny
alalan’ny fianarana sy fiainana ny
Tenin’Andriamanitra.
Isika vahoakan’ny Fpma no voakasika
amin’ny fanatanterahana izany tanjona izany, ary fomba iray
ahazoantsika manome ny anjara birikintsika amin’ny asa
fitoriana ny filazantsara
ny fanaovana ny
“souscription”.
Efa ho herintaona izao no natomboka ny
“souscription” izay natao teo anivon’ny FPMA,
tafo dimy no efa nandray anjara ,
ary vokatr’izany dia nitombo iray indray
ny isan’ny Mpitandrina matihanina eo anivon’ny
FPMA.
Tafo telo kosa no hikasa hiroso amin’ny
fametrahana Mpitandrina matihanina dia
: Lyon, Lille ary
Grenoble.
Nisy ny ezaka vita
, na dia mbola lavitra
amin’ny tanjona ho tratarina aza izany, mbola hitohy ny
fanentanana hataon’ireo solontenan’ny Vaomiera
isam-piangonana sy isam-paritra.
Ny alahady
25 oktobra izao no hatokana ho
“alahadin’ny asa misiona ” izay hitondrana
am-bavaka izany tetik’asa izany satria raha tsy
“Jehovah no manao ny trano miasa foana ny Mpanao azy” ,
ary hanolorantsika eny amin’ny alitara ny taratasy
mikasika ny “souscription” izay efa
nozaraina tamin’ny alahady farany teo.
Ny Tompo izay efa niantso antsika rehetra
amin’ny fanatanterahana ny asa fitoriana ny
filazantsara no handresy lahatra antsika, ka mba ho fitaovana eo
am-pelantanany amin’ny fametrahana Mpitandrina Matihanina
amin’ny tafo rehetra eo anivon’ny
FPMA.
Dia ho an’Andriamanitra Irery ihany ny
Voninahitra amin’izay rehetra tanteraka sy mbola ho
hataontsika ho fampandrosoana ny Fanjakany.
VMMM -FPMA
|
