Izao teny azontsika anio izao dia mbola ao antin’ny fanombohan’i Jesosy ny asany tany Galilia izany hoe any amin’ny toerana nitaizana Azy. Hitantsika amin’izao Marka 1 izany ny :

* Niantsoan’i Jesosy ny mpianany voalohany dia izy 4 mirahalahy izany : Simona (Petera) sy Andrea rahalahiny mpanarato . Ary Jakoba sy Jaona izay mpanarato teo amin’ny ranomasin’i Galilia

* Fampianarana nataony tamin’ny andro sabata ary ny fanasitranana izay nataony tamin’ity demoniaka ity izay nahalala Azy satria fahavalony voalohany. Gaga ny olona tamin’ny fampianarana nataony ary noheverin’izy ireo aza fa fampianarana vaovao.

Eto isika dia mahita an’i Jesosy miaraka amin’ny mpianany, miditra ao antranon’i Petera sy Jaona raha vao nivoaka ny synagoga (ny fiangonana izany) rehefa nifarana ny fotoana. Ho jerentsika ireo dingana nataon’i Jesosy rehfa avy nandre fa voan’ny tazo ilay rafozam-bavin’i Petera. Toerana hafa nohon’ny teo dia ny tranon’olona izany fa tsy ny synagoga (domaine privé fa tsy public tahaka ny synagogue)

Nanatona Jesosy

Olona marary no resahina eto. Olona voan’ny tazo ka mandry. Vao naheno fa marary ilay rafozambavin’i Petera dia nanatona Jesosy. Ny fanatonana dia endrika iray ahitantsika ny toietr’i Jesosy. Tsy nijanona tany an-danitra tokoa mantsy izy fa nidina tety ambonin’ny tany. Ka nanana tarehy olona ary dia nanatona olona tahaka Azy koa satria ny hamonjy azy ireny no nahatongavany. Tsy misy fanontaniana fa fantany fa olona mila fanampian no eo alohany noho izany dia nanatona Izy mba hitondra izany fanampiana izany.

Nandray ny tanany

In-telo ao amn’ny bokin’ny Marka no ahitana an’i Jesosy mandray tanan’olona

* Dia ny eto no voalohany

* Ny faharoa dia ny amin’ny zanakavavin’i Jairo : “dia nandray ny tanan-drazazavavy Izy” Mk.5.41.Lazain’i Marka fa ity zazavavy ity dia efa maty

* Ny fahatelo : momba an’ity zazalahy nampahorian’ny demonia ka nifanitontsitona : “Fa Jesosy nandray ny tanany ka nanarina azy”. Mk.9.27. Efa nataon’ny maro hoe efa Maty ity zazalahy ity (26).

Ka asa ity raforambavin’i Petera ity na efa saiky maty koa fa ny roa hafa dia olona efa maty daholo no noraisin’i Jesosy tanana. Toy ny hoe “misy contact physique” ary izany dia amin’ny alalan’ny tanana. Hita koa izany amin’ny alalan’ny fametrahana tanana : tena apetraka ny tanana fa tsy ahevaheva fotsiny. Tsy vitan’ny fanatonana fotsiny ihany fa tena misy fifampikasohana ara-nofo (contact physique)

Nanarina azy

Ity no tena hafa satria marary izao no atsanganao. Ny teny hoe atsangana eto dia azo ampiasaina koa amin’ny fananganana amin’ny maty (ressusciter). Ary izany moa dia hitantsika tamin’ireo olona roa izay noraisin’i Jesosy tanana dia ilay zazavavy lazaina fa zanak’i Jairo ary ilay zazalahy voan’ny fanitona. Samy maty izy ireo no noraisin’i Jeosy tanana dia natsangany ary dia velona. Tany amin’ny Testazmenta taloha Is 41.13, 42.6; 45.1 dia ahitana tokoa fa raha Andriamanitra no mitantana (maray tanana) dia manome hery Izy amin’izany. Hery ahazoanao mivoaka amin’izay fahasarotana mahazo anao.

Izany moa dia hamafisin’ny Sal.73.23-24, izay nataon’i Asafa ka milaza fa “mihazona ny tanako ankavananana ianao. Ny saina omenao no itondranao ahy. Ary rehefa afaka izany dia ho raisinao amin’ny voninahitra aho.

Izany no andraisan’i Jesosy ny tananao dia ny hitondrany anao any amin’ny voninahiny.

Afaka ny Tazony

Io no isehoan’ity voninahitr’Andriamanitra ity amin’ity rafozambavin’i Petera. Afaka ny tazony. Io nampijaly azy ka nampatory azy, tsy nahafahany nakany amin’ny synagoga hidera an’ Andriamanitra indrindra fa hihaino ny fampianarana. Zava-mahagaga nataon’i Jesosy izany. Eny fa na dia any amin’ny “domaine privé” toy izao, izay tsy misy vqavolombelona firy afa-tsy ireto mpiantra ireto dia manao fahagagana Jesosy;

Tsy msy izay tsy afak’i Jesosy na ny demoniaka izany, na ny tazo ary aorian’izao teny izao dia ny and.40 dia ny boka indray no nodiovina. Izany hoe ireo olona izay efa nolavin’ny mpiara-belona no averin’ny Jesosy amin’ny mpiara-monina aminy.

Ka dia nanompo Azy izy

Io no “reconnaissance” ataon’ity rafozambavin’i Petera an’i Jesosy. Ny fanompoana Azy. Ny fanompoantsika izay mahatsiaro fa notantan’i Jesosy dia tahaka izay nanompoan’i Jesosy ny Rainy. Tsy mifidy toerana anompoana

* na any amin’ny synagoga (fiangoanana) izay andrenesana/izarana ny tenin’Andriamanitra,

* na any an-tranon’olona fantatra izany (domaine privé) izany itondrana koa ny vaovao mahafaly

* Toerana “public” toy ity tanana iray vohitra (32) izay tafangona teo anolon’ny varavaran’i Petera. Mety ho tonga amintsika koa izany hoe hitondra ny vaovao mahafaly amin’ny mpiray tanana amiko.

* Amin’ny toeran-kafa izay lazainy fa synagogan’ny olona eran’ny Galilia (39).

Ny asan’ny Kristian rehetra dia ny fanompoana/fijoroana vavolombelona an’i Jesosy.

Ny farany dia ny tsy maintsy isian’ny fihaonana mandrakariva amin’ny mpaniraka. Eto moa dia lazainy fa lasa any an-tany foana Izy mba hivavaka. Tsy ny teniko na ny teninao no toriana fa ny tenin’Izay naniraka anao dia Jesosy Kristy izany. Tsy maintsy manana fiainam-bavaka ny mpanompon’Andriamanitra satria izany no hery entina manompo Azy. Ary Tsy mantsy mandeha mitory ny vaovao eran’izao rehetra izao fa tsy amin’ny toeran-tokana ihany.

Voninahitra anie ho an’Andriamanitra Ray sy Zanaka ary Fanahy Masina, izay hatramin’ny taloha indrindra ka ho mandrakizay.
Amen

Dijon
8 febroary 2009