HAFATRA
Vita soa aman-tsara ny ZAIKABE NASIONALY nataon’ny FPMA tany ROUEN, nanomboka ny Asabotsy 29 oktobra maraina ka niafara tamin’ny Alahady 30 oktobra tamin’ny 5 ora latsaka fahefany tolakandro. Vahoakan’Andriamanitra marobe avy eo anivontsika FPMA no tonga nanatrika iny Zaikabe iny, satria ankoatra ireo olona nifamoivoy nandalo sy ny efa lasa nandeha nialoha, dia nahatratra 900 mahery isika no tonga nanatrika ny Fanompoampivavahana famaranana. Isaorana tokoa Andriamanitra, fa nasehony miharihary ny fitahiany.

Tanteraka tamintsika tokoa ny Tenin’Andriamanitra voalazan’ny Mpanao Salamo hoe : «Raha tsy Jehovah no manao ny trano, dia miasa foana ny mpanao azy.» Salamo 127, 1, sy izay nampilazainy ny apostoly Paoly, hoe : «Fa tsy nomen’Andriamanitra fanahy osa isika, fa fanahy mahery sy fitioavana ary fahononan-tena. Koa aza menatra ny ho vavolombelon’ny Tompontsika…

miasà amin’ny tahotra sy ny hovitra hahatanteraka ny famonjena anareo. Fa Andriamanitra no miasa ao anatinareo na ny fikasana na ny fanaovana hahatanteraka ny sitrapony.» II Timoty 1, 7- 8ª; Filipiana 2, 12b-13.

Misy zavatra vitsivitsy tsara homarihana fa azo lazaina ho nampiavaka iny Zaikabe Nasionaly natao tany ROUEN iny :

. Ankoatra ny maha Fihaonambe ifankahitan’ny vahoakan’Andriamanitra ato amin’ny FPMA ny Zaikabe (satria eo amin’ny sehatra nasionaly dia mandritra ny Zaikabe no afaka manatrika daholo ny rehetra, fa ny solontena voafidy ihany no manatrika ny Synoda Lehibe), dia fotoana isian’ny Fiofanana ho an’ny vahoakan’Andriamanitra rehetra koa ny Zaikabe. Isika FPMA dia manana Sampandraharaha telo lehibe misahana ny Fampiofanana : Ny Soritrasampiangonana (SAP), ny Komity Nasionaly mandrindra ny Projet Laika (KNPL), ary ny Fiarahamiasan’ny Mpitandrina ato amin’ny FPMA (FMM). Miara-miasa akaiky eo ambany fitarihan’ny

Birao Foibe ireo Sampandraharaha telo ireo, koa natsangana teo am-panomanana iny Zaikabe iny ny Komity Nasionaly mandrindra ny Fampiofanana (na Synergie) nitantana sy nanomana ny Fampiofanana rehetra, teo ambany fitarihan’ny Solontenan’ny Birao Foibe nampiandraiketina izany. Koa izy efatra mirahalahy mianaka tompon’andraikitra voalohany : Pasteur Falimanana

RAHARINDRANTO avy amin’ny BF, Pasteur Seth RASOLONDRAIBE avy amin’ny SAP, Atoa Bruno RANDRIANARIMANANA avy amin’ny KNPL, Pasteur Desiré ANDRIAMAMPIANINA avy amin’ny FMM, niaraka tamin’ny Solontena samihafa sy ny avy amin’ny Faritany Avaratra Andrefana nandray ny Zaikabe, notarihin’ny Mpitandrina Mpandrindra ny Faritany : Pasteur Solohery RAOBINARISON, no namolavola ny Fandaharana rehetra, nifandray mivantana tamin’ny Birao Foibe notarihan’ny Filohan’ny FPMA, Dr Jean A. RAVALITERA. Nivory tsy tapaka sy nifanakalo hevitra, na nifanatri-tava na tamin’ny alalan’ny Conférence téléphonique izy ireo.

Tsapa tokoa fa Rehefa samy miaina ao anatin’ny fifampitokisana sy ny fahatsiarovana ny hasarobidin’ny andraikitra izay

nomen’Andriamanitra, dia mandeha tsara mihitsy ka tsy misy alokaloka na dia kely aza ny fiaraha-miasa eo amin’ny samy

olom-boantson’Andriamanitra hanao ny asany.. Nialoha ny Zaikabe dia tsy nitsahatra ny nifanafatra isika ny mba hitondrantsika

vahoakan’Andriamanitra ato amin’ny FPMA, na isan-tokantrano, na isan-tafo, na isam-paritany, na isan-tSampana iraisana, amam-bavaka izany fihaonambe hataontsika izany. Nahariharin’Andriamanitra ny valim-bavaka rehetra nataontsika ny mba ho ny voninahitr’Andriamanitra Irery ihany no hiseho amin’ny fotoana rehetra.

. Nahafinaritra sy tena mampisaotra an’Andriamanitra ny hafanampo sy fitiavana nasehon’ny vahoakan’Andriamanitra ato amin’ny FPMA nandray anjara mavitrika tamin’ny fotoana rehetra nandritra ny Zaikabe. Na teo amin’ny fandraisana ireo famelabelarana natao, na tany amin’ny atrikasa samihafa (ateliers), na tamin’ny fihaonan’ny Sampana isan-tokony, dia maro foana ny mpanatrika ary samy nandray anjara araka ny tandrifiny avy. Nezahina ihany koa mba hanana ny anjara toerany ireo tompon’andraikitra rehetra ato amin’ny FPMA, koa niniavina ny tsy nanasa olona hafa avy any ivelantsika, fa Mpitandrina ato amin’ny FPMA sy Tompon’andraikitra amin’ny Sampana sy Sampandraharaha no nomena anjara famelabelarana.
Na dia niteraka fisalasalana sy fanamarihana aza teo am-piandohana ny tsy fisian’ny toerana tokana hahafahan’ny rehetra miara-milasy toy ny natao tamin’ny Zaikabe tany aloha, fa voatery nitady hotely avokoa ny ankamaroan’ny mpizaika, misaotra an’Andriamanitra fa tsy nahasakana ny fahatongavana maro izany. Saika nahatonga mpizaika avokoa ireo tafo 38 sy Fiaraha-mivavaka 2 ato amin’ny FPMA, ka azo lazaina fa tena nahavory olona maro tokoa iny Zaikabe nasionaly teo iny. Nomen’ny apostoly Paoly ho ohatry ny finoana i Abrahama, araka ny nosoratany hoe : «ary tsy niahanahana ny amin’ny teny fikasan’Andriamanitra tamin’ny tsi-finoana izy, fa nampaherezin’ny finoana ka nanome voninahitra an’Andriamanitra ary natoky fa izay nolazainy dia hainy hatao koa. Dia nisaina ho fahamarinany izany.» Romana 4, 20-22.
Tonga zanak’i Abrahama isika amin’ny finoana sy fahatokisana ny Tenin’Andriamanitra, koa na tsy mitovy aza ny sehomanodidina ivelany (contexte) nanehoana ny finoantsika sy izay nataon’i Abrahama, zava-dehibe mandrakariva kosa ny ateraky ny finoana sy fahatokisana an’Andriamanitra ary ny fanomezam-boninahitra Azy.
Be ireo asa mbola miandry antsika, taorian’ny Fotoam-pifaliana nandritra iny Zaikabe iny. Sarobidy amintsika ny hahatonga antsika ho tena vahoakan’Andriamanitra velona amin’ny toe-panahy araka an’Andriamanitra. Izany no nametrahantsika ilay fanamby lehibe ny mba hananan’ny FPMA Mpitandrina matihanina eo amin’ny andraikiny anivon’ny tafo tsirairay avy,amin’ny fitaizana ny vahoakan’Andriamanitra amin’ny fiainana maha-olona manontolo sy amin’ny olona rehetra. Iray amin’ny Fampianaram-pinoana nozaraina tany amin’ny Zaikabe ny «Lanja omena ny fahalalan-tanana mba ho fitaizana ny kristiana hahay manome (Culture du don : lechrétien et la libéralité)» Hoy ny teny famaranana nataonay teo amin’ny famelabelarana, ary averinay eto indray hamaranana ity lahatsoratra ity : «Nefa tsy toy ny mitady fanomezana no ilazako izany ; fa mitady ny vokatra izay hitombo ho voninahitrareo aho. Fa manana ny zavatra rehetra aho sady manana amby ampy aza... Fa Andriamanitra hahatanteraka izay tokony ho anareo araka ny hareny amin’ny voninahitra ao amin’i Kristy Jesoa. Ary HO AN’ANDRIAMANITRA RAINTSIKA ANIE NY VONINAHITRA MANDRAKIZAY MANDRAKIZAY. Amena.»

Paris, FOIBEN’NY FPMA, Maison du Protestantisme, Novambra 2011

Ny Filohan’ny FPMA,

Pasteur Jean A. RAVALITERA

Docteur en Théologie (PhD)

Paul Ramalalo, tiatilleur malgache

Tirailleurs malgaches

J'ai connu un soldat malgache dans les circonstances suivantes : "Nous avions reçu, vers 1945-46, un Malgache que ma soeur avait adopté comme filleul de guerre, c'était alors la mode. Paul Ramalalo était un grand paysan du sud qui avait dû être robuste. Kidnappé par notre glorieuse armée afin de grossir ses rangs, il vint bravement en France défendre la Liberté et la Civilisation, fut fait prisonnier en 1940 et passa avec ses compatriotes cinq années épouvantables dans un stalag réservé aux troupes coloniales.

Obligés de les relâcher au moment de leur débâcle, les Allemands alignèrent ces sous-hommes et les mitraillèrent. Laissé pour mort, Paul eut pourtant la vie sauve : deux balles lui avaient traversé l'épaule.
Nous allions le dimanche, vers onze heures, le chercher à l'hôpital Saint-Joseph ; il enveloppait avec une lenteur infinie ses longues jambes dans les bandes molletières réglementaires et venait passer l'après-midi chez nous. Il nous parlait de ses buffles qu'il avait hâte de revoir, et des redoutables «Zoulas» ou «Djoulas» (Dioulas ?) les bandits cachés dans la forêt.
Après son départ, nous avons perdu tout contact : comme il n'avait pas répondu à une lettre, nos parents demandèrent à un jeune couple de nos clients, qui avaient des relations dans la Grande Île, de retrouver sa trace ; après enquête, ils leur expliquèrent qu'il était inutile de chercher à le joindre. En fait, il arriva dans l'Île Rouge pendant la sanglante répression coloniale qui fit 100.000 morts (on s'en prenait tout particulièrement aux anciens soldats, réputés dangereux) de mars 1947 à 1948." (Extrait du site temoingaulois.fr)
Pensez-vous que je pourrais retrouver sa trace ?
Merci pour votre blog.

René Collinot
http://etudescoloniales.canalblog.com

Nandalo teto La Réunion ny Père Higoumène Barsanuphe, moine ortodoksa frantsay.

Ny Ortodoksa dia kristiana, mitovitovy amin’ny Katolika, amin’ny fombafombany, amin’ny ankapobeny. Ny mampiavaka azy amin’ny Katolika dia ny Pape, satria izy dia tsy manaiky ny fahefan’ny Vatican, fa manana karazana Pape, isaky ny tany, na faritany . Ny mpitondra fivavahana ao aminy dia manambady, ary ny ortodoksa no anisan’ny maro indrindra amin’ny fianakaviamben’ny Kristiana eran-tany, saika ny avy amin’ny tany eropeana tatsinanana no be ortodoksa : Rosia, Biolgaria, Hongria sns.

Ny Père Higoumène Barsanuphe dia miezaka mampihaona ny mpivavaka samy hafa, mba hahatonga fifanajana ao amin’ny samy mpivavaka ka hanorina fiaraha-monina anjakan’ny fandriampahalemana eran-tany.

Filoha Lefitry ny Conférence Mondiale des Religions pour la Paix izy.

Tamin’ny harivan’ny Alakamisy 11 Aogositra 2011 teo, dia nanomana fihaonana ho an’ny mpivavaka samy hafa, teto La Réunion izy, ka tao amin’ny Ashram du Port, toeram-pivavahan’ny Hindou no nanaovana izany.

Anisan’ny nasainy tamin’io fihaonana io aho.

Talohan’ny tena fihaonana dia nangatahan’ny Père Higoumène Barsanuphe aho, halain-tsary sy ho raisim-peo ka hilazalaza ny amiko sy ny asako. Tokony ho natao ny omaly Alarobia 10 Aogositra 2011, tao an-tokantranonay io fakan-tsary sy fandraisam-peo ahy io, saingy tsy tanteraka noho izy voatana tany antoeran-kafa ka tsy afa-nanoatra .

Ny Filohan’ny « Groupe de dialogue inter-religieux » eto La Réunion, Idriss Issop Banian, no nanome azy ny momba ahy rehetra : telefaonina, adiresy an-trano mazava. Mpikambana amin’ny « Groupe de dialogue inter-religieux » eto La Réunion, aho, nanomboka tamin’ny 2001.

Tsy izaho ihany fa maro tamin’ireo mpikambana ao amin’ny « Groupe de dialogue inter-religieux » no nalaina sary sy noraisim-peo talohako. Araka ny fanazavana nataon’ny Père Higoumène Barsanuphe, dia hasehony any amin’ny tany rehetra halehany, ny modelin’ny fiaraha-monin’ny samy mpivavaka eto La Réunion, izay heveriny manokana fa tokony halain-tahaka.

Tamin’ilay fandraisampeo natao tamiko manokana dia niezaka aho nanazava fa matoa aho nanaiky ho aty La Réunion, hitondra ny Fiangonana FPMA, dia fanohizana izay nataoko tamin’ny FFKM, tany Madagasikara ihany izany.

Nohazavaiko fa Tonia (Secrétaire général) tao amin’ny FFKM aho. Ny FFKM dia fiombonan’ireo Fiangonana efatra : Katolika Romana, Anglikana, Loterana ary FJKM. Izany fiombonana izany dia niainana ny antsoina hoe “Ekiomenisma” tamin’ireo Fiangonana malagasy efatra, samy nanana ny maha-izy azy.

Ka ny FPMA (Fiangonana Protestanta Malagasy Aty Andafy) dia fampiraisana aty andafy ireo zanaky ny Malagasy avy amin’ny Fiangonana Loterana sy FJKM. Mbola “Ekiomenisma” , araka izay ninoako tao amin’ny FFKM no iainako ato amin’ny FPMA, na dia somary voafetra ihany aza.

Ny antsoina hoe “Ekiomenisma”, raha eo amin’ny samy Kristiana, dia ny ezaka ifanatonan’ny samy mpanaraka an’i Kristy. Ny foto-teny dia ny teny grika hoe “oikoumene”, ka ny dikany dia “tany onenana”(la terre habitée). Izany hoe ny “Ekiomenisma” dia ezaka hahatonga ny “tany onenena” ho tany iainan’ny Mpanaraka an’i Kristy rehetra, miara-monina amin’ny fifanajana sy ny fandriampahalemana.

Rehefa tonga teto La Réunion aho dia miova kely ny fiheverako ny “Ekiomenisma” sy ny tanjona kendreny, ka tsy ny samy Kristiana ihany fa izao tontolo izao, misy karazam-pivavahana samihafa sy ny fokom-pirenena rehetra no hampanjariana ho “tany onenan’Andriamanitra”. Izany rahateo no inoako fa ambaran’ny Apokalypsy 7 : 9 – 17.

Nasiako teny koa ny andraikitry ny “Ray aman-dreny” (Sady Ray no Reny) noraisin’ny FFKM teo amin’ny firenena tany Madagasikara. Nitana ny sain’ny Père Higoumène Barsanuphe fatratra izany ka nohazavaiko fa amin’ny Malagasy, ny Fiangonana, raha mitambatra fa tsy misaratsaraka, dia ataon’ny fiarahamonina ho isan’ny Ray aman-dreny, atsangany ho fototry (référence morale) iankinan’ny fihavanan’ny mpianakavy. Ny fahendren’ny Fiangonana amin’izay dia tsy manelingelina ny laicité-n’ny Fanjakana fa miaro ny maha an’ny rehetra ny Fanjakana (équité de l’Etat).

Naharitra fahefatradiny teo ny fakana sary sy feo ahy.

Rehefa tonga ny ankamaroan’olona nasaina, tokony ho dimampolo (50), dia nanomboka ny fotoana tamin’ny 6 ora mahery kely.

Marihina fa izay rehetra miditra ao amin’ny Ashram dia manala kiraro; samy nanaja izany avokoa ny olona nasaina rehetra.

Ny Père Higoumène no nandray fitenenenana voalohany, ka nohazavainy lavalava ihany ny zava-kendreny : hampiorina ny fandriampahalemana eran-tany, amin’ny alalan’ny fampifandraisana ny fivavahana samihafa. Aminy dia faka tahaka ny ataon’ny « Groupe de dialogue inter-religieux » eto La Réunion.

Rehefa vita ny teniny, dia nantsoiny hanana anjara fitenenana ny olona izay noheveriny fa tokony hanan-kambara.

Nantsoiny anarana arakaraka ny alfabeta ireo olona notsongaina ireo ka nanomboka izany ny Eveka Katolika eto La Réunion, Mgr Gilbert Aubry. Nafonja ny teniny. Tsy hindou izy, tsy silamo, fa Kristiana miara-monina sy miara-miaina amin’ny olona samy manana ny fivavahany. Tsy mampaninona azy izany fiaraha-miaina izany fa misy teny telo iorenany. Samy tenin’ny Tompo ireo, dia ny hoe : “Aloavy ho an’i Kaisara izay an’i Kaisara, ary ho an’Andriamanitra izay an’Andriamanitra”(Matio 12:17; Lioka 20 : 25), “Izaho no làlana sy fahamarinana ary fiainana, tsy misy mankany amin’ny Ray afa-tsy amin’ny alàlako” (Jaona 14 : 6), “Ao an-tranon’ny Raiko, misy fitoerana maro ” (Jaona 14 : 2). Ireo, hoy ny Evekan’ny La Réunion, no iorenako amin’ny maha-Kristiana ahy ka mahatonga ahy hazoto hitondra ny anjara birikiko, eo amin’ny fiaraha-miaina (vivre ensemble) ao anatin’ny fahasamihafana, amin’ny mponina efa mifangaro sy mifampiditra ara-pihaviana (métissage) eto amin’ity nosy ity.

Nandimby ny Mgr Gilbert Aubry, ny avy amin’ny Mpanaraka an’i Conficius (sinoa), ny avy amin’ny Tamoul sy Hindou, nisy pretra boudhiste tibetana avy any Katmandou, tonga tao ary nadika teny. Tao koa ny avy amin’ny Bahai’ye, ny avy amin’ny Silamo. Somary vitsivitsy ny Silamo noho ny ramadany.

Teo amin’ny fahafolon’ny nantsoany hiteny aho.

Ny nambarako tamin’izany dia ny maha-Kristiana Protestanta malagasy ahy. Raha tonga teto amin’ity Nosy ity aho, dia tsy nanadino fa Malagasy no anisan’ny mponina voalohany teto. Mahatsiaro ho toy ny any amin’ny taniko ihany aho eto, ary izany no antony anankiray mahatonga ahy ho isan’ny “Groupe de dialogue inter-religieux”, hijoroako amin’ny maha-kristiana, ifandraisako amin’ireo mpivavaka hafa, amin’ny fifanajana noho ny razana iombonana, sy noho ny maha-samy zanak’Andriamanitra.

Tsy nohadinoiko ny nilaza fa isaky ny Zoma hariva ato amin’ny FPMA, dia misy fiaraha-mandinika Soratra Masina sy fiaraha-mivavaka, ka ho tantaraiko ao izao fihaonana izao, mba hahatsiarovana fa azon’ny olona samy manana ny fivavahany atao ny miara-monina sy mifandray, hanorina fiaraha-monina hitondrana ny haren’ny samy olombelona. Ilaina ny hananana toe-tsain’ny “ekiomenisme”, ka na dia mitana ny finoan’ny tena aza, dia afaka amin’ny fahateren-tsaina (fanatisme), satria mamantatra ny finoan’ny hafa sy manaja izany fa tsy mitsara azy.

Mbola nisy olona telo (3) niteny taorianako.

Ny namarana dia ny tompon-trano nandray ny fihaonana, ny Swami Advayananda, pretra hindou, nisaotra ny Père Higoumène sy ny mpanatrika rehetra.

Tamin’ny 8 ora latsaka kely no nifarana ny fihaonana, tamin’ny fifandraisan-tànana sy ny fifampîarahabana vokatry ny fo.

Pasteur Josoa Rakotonirainy

Natao tamin’ny fiaraha-mandinika Sotatra Masina sy Fiaraha-mivavaka, teto Le Port, ny Zoma 12 Aogositra 2011, Fpma La Réunion.

Nalaina tao amin'ny gazety lakroa ity lahatsoratra ity
Manahirana ny kristianina sy miteraka fijery sadasada ny mahita mpitondra fiangonana (pretra, eveka, relijiozy) manao politika, fa indrindra manana fironana amina antoko politika. Misy indray ireo mihevitra fa tokony hirotsaka eo amin’ny sehatra politika izy ireo noho ny tsy fahombiazan’ny lahika. Ahoana ny tantara momba izany?