Ny Asabotsy tamin'ny 16 ora no nanomboka ny fotoana. Nisy fotoam-pivavahana notarihin'ny Pasitera Desiré Andrianarivo izay narahin'ny fampianarana nataon'ny Pasitera Pascaline Andrianaly. Rehefa avy nisakafo hariva dia nitohy tamin'ny "takariva amorom-patana" ny fotoana izay nandraisan'ny Tafo tsirairay anjara.(jereo ny sary tamin'izany)

Ny Alahady maraina, tamin'ny 8 ora no nanomboka ny fivorian'ny Synaoda . Ny filohan'ny Faritany vaovao dia Ramatoa Rakotonirina Felana, ary hisaorana be dia be Ramatoa Rakotoarisoa Jackie izay nitantana ny Faritany teo aloha ary nampiroborobo azy.
Nanomboka tamin'ny 10h30 ny fotoam-pivavahana notarihin'ny Pasitera Synodaly Ravalitera Jean.
Mbola nitohy ny fotoana taorian'ny fiara-misakafo tamin'ny fametrahana ny Biraon'ny Faritany vaovao.

Ireto ny sary nandritra izany fotoana izany.

Miditra indray indray isika izao eto amin'ny FPMA, asa na mba efa vita ny soritr'asa izay novinavinaina hatao mandritr'ity taona 2008 ity ary miaraka amin'izany koa ny fandaniana aterak'izany.
Izany no lazaina moa dia tsotra iahany. Ny ahazoana manao jerikina amin'ny faran'ny taona ny amin'ny asa vita sy ny antony tsy nahavitana azy. Indrindra moa fa hiditra amin'ny fanomanana synaoda sika izao. Tsy dia ny synaoda loatra anefa fa ny fifidianana na ny fanavaozana an'ireo mpiandraikitra ao amin'ny birao foibe FPMA izay mitantana ny raharaha.
Na dia samy birzao foibe aza dia hita fa natao mitokana ny atao hoe positra synaodaly na ny filohan'ny FPMA. Izay voafidy amin'io positra io dia tsy maintsy mpitandrina ary dia miasa matihanina amin'izany. Ny mahagaga anefa dia tsy azo fidiana intelo izy io fa indroa ihany. Izany hoe miasa efatra taona izany. Ny teny momba izany any amin'ny fitsipikin'ny FPMA dia sarotra ihany vao mahita azy satria tena napetraka amin'ny toerana izay tsy ampoizina. Asa izay fomba ahazoana manao ny "contrat de travail" ho an'izany mpitandrina izany. Antenanina fa ny Vaomiera Mandinika ny asan'ny Mpitandrina (VMM) eto amin'ny FPMA dia hitondra ny fitsimbinana momba izany.
Ny mitarika ny saina koa dia izay niseho nandr'iny fotoam-pialantsasatra iny momba ny FPMA sy ny mpiasa ao aminy. Betsaka tamin'ireo tompon'andraikitra teto amin'ny FPMA, na tany amin'ny Tafo izany, na ny faritany eny hatramin'ny foibe aza no tany Madagasikara naka rivotra. Nisy tamin'izy ireo nihaona tamin'ireo tompon'andraikitra maro tany an-toerana ka voamariky ny mpanao gazety ary dia vovaky eran-tany izany. Ny nahalasa ny saina fa na dia mba voateny ihany aza ny maha FPMA dia tsy mba voateny tao ity olona miandraikitra ny paositra synaodaly ity. Toy ny biby tsy misy lohany ny FPMA. Asa izay tena antony fa mba mahalasa ny saina ihany. Indrindra moa fa ilay fiantsoana mpanao gazety tamin'ny anaran'ny FPMA. Ny FPMA no miantso nefa ny Filohan'ny FPMA dia tsy mba nisy na dia teny iray eny fa na dia ny anarany aza tsy mba voatonona tao.
Mahavariana izany. Fa mahalasa fisaiana hoe fa mba aiza moa io Filohan'ny FPMA io ? sa efa eritreretia fa tsy eo intsony izy eny fa na dia ny anarany aza dia tsy lazaina akory. Matetika dia ny olona no jerena fa tsy ny andraikiny. Tsy misalasala izahay ny milaza aminao izay mety tsy mahafantatra ny anarany nohon'izany anton-javatra izany fa Jean Andriamarohasina RAVALITERA no anarany, mpitandrina sady mpampianatra teolojia izy .
Izy no filohan'ity FPMA ity, FPMA izay azo lazaina fa anisan'ny Fiangonana naorin'ny malagasy kristiana "propesta". Tsy mba tahaka ny FJKM na ny FLM izay naorin'ireo misionera tany Madagasikara ny FPMA. Fa ireo malagasy nandalo, niasa, nianatra, niady taty ivelany no nataon'Andriamanitra fiasana hanorina azy.Fijoroana vavolombelon'ireo zoky raiamandreny izany.
Amin'ny maha malagasy azy dia mpitondra teny ihany ireo izay miteny amin'ny anaran'ny FPMA fa tsy maintsy lzaina izay raiamandreny nampitondra izany teny izany. Izany raiamandreny izany no tsy mba hita soritra tamin'ireny soratra novakiantsikatamin'ny gazety ireny. Asa na ny mpanao ny lahasoratra ny nanadino na tsy nahafantatra ny anaran'izany raiamandreny izany. Naz izany na tsy izany dia andraikitry ny mpitondra teny ny milaza izany mazava. Very ny maha Andriamarohasina an'ity Filohan'ny FPMA ity. Toy ny biby tsy misy lohany ny FPMA. Ny voalohany izay atao dia ny manao fampahalalana ny FPMA ary tandra vadik'oditra amin'izany ny raiamandreny izay mitarika azy.
Hiditra amin'ny synaoda isika izao, hanomana ireo antota-taratasy maro. Handre tatitra maro isan-karazany ary koa vinavinan'asa. Hidinika momba izany ny Komity maharitra amin'ny 27 septambra 2008 izao. Ny irina dia ny mba ahatongavan'ny antota-taratasy mikasika ny lahadinika mba ho tonga any amin'ny isam-baratongany avy ahazoana mandinika sy manao sosokevitra.
Hanakalaza koa isika amin'ity taona ity ny faha 50 taonan'ny FPMA. Miditra amin'ny andiany fahatelo izao ny mpikambana eto zamin'ny FPMA. Fa raha ny miaramila tamin'ny ady lehibe voalohany no azo lazaina fa andiany voalohany izay ny Pr. Escande izay nonina tany Strasbourg no pasteur aûmonier voalohan'ny malagasy taty Frantsa. Ny andiany faharoa kosa dia tany amin'ny taona 1948 tany ho any dia ireo mpianatra maro ary tao anatin'izany ireo izay nokendren'ny mpanjanantany fa ho cadre moyen (izany hoe tsy ho directeur fa ho chef de service) ao amin'ny fitondram-panjakana no nisolo izany ary dia tao antin'izany vanimpotoana faharoa izany no nahaterahan'ny FPMA amin'izao fotoana izao. Ny andiany fahatelo indray dia heverinay fa tany amin'ny taona 1990 tany ho any izay nomarihin'ny fandraisan'ny FPMA ny fahaleovantenany tamin'ny taona 1996 tamin'ny synaoda tany amin'ny FPMA Cergy ka notontosaina tany amin'ny faculté évangélique Vaux/Seine. Teo no nahatsiarovan'ny FPMA fa efa lehibe izy tokony hiaina arak'izany dia ny fanany fizakantena amin'ny lafiny rehetra : rafitra, fifandraisana, tokantrano sns. Tamin'izany no nanapahana fa hanana mpitandrina ho azy ny FPMA. Ka asa izay "fijorana ho lehibe" mbola eritreretin'ity teny entina makalaza ity faha 50 taona ity.
Tsara ny manamarika fa nadritriny adilebe dia ny miaramila no niantoka ny mpitandrina niasa teto amin'ny FPMA. nisy moa ireo mpitandrina malagasy maro izay nilatsaka antsitrapo ho miaramila ka nanao izany asan'ny mpitandrina izany. Rehefa vita ny ady lehibe faharoa dia ireo mpitandrina malagasy nianatra teto Frantsa no nanao ny fandridrana ny asan'ireo Tafo izay efa niorina teto Frantsa. Tamin'izany no nangatahan'izy ireo ny Conférence Intermissionnaire (izay nivadika ho Fiombonan'ny Fiangonana Protestanta Malagasy FFPM taty aoriana) tany amin'ny taona 1950 tany ho any mba hanany Mpitandrina ho an'ny Mpianatra malagasy aty an-dafy. Hatramin'ny taona 1995 tany ho any no nandraisan'ny FPMA tanteraka ny fiveloman'ny mpitandrina synaodaly FPMA.
Tena misy io mpitandrina synaodaly io na dia tsy lazaina amin'ny gazety aza. Tena azo tsapaintanana ny asany eto amin'ny FPMA. Raha te-hahita maso azy ianao dia mba vangio izy fao amin'ny Maison de Protestantisme, 47 rue de Clichy; 7509 Paris no iasany ary ny telefaonina ahazoana azy dia ny 01 45 96 03 05.
Ento amim-bavaka ny asany, ny vady aman-janany fa dia tsy avoaka gazety malagasy aza izy dia avoakan'ny TOmpo hamangy antsika amin'ny alalan'ny fitoriany ny filazantsara ary koa ny fampianarana izy ataony.